Sontgaclau – Babbo Natale – La Befana

Sintgaclau_Garda_Svizra_IIISintgalcau-Garda_Svizra_II

Sco usitau ha Sontgaclau fatg ina viseta alla Garda Svizra. Igl ei stau ina viseta sco quei che nus essan disai ils 6 da december: il Sontgaclau ch’arriva cun siu fumegl, lauda las bunas ovras mo pren era sin la corna enqualin ch’ei buc’adina staus aschi prus.
Per nus gardists ina sera da divertiment en legra cumpignia.

.

 

Ell’Italia – silmeins ella regiun da Latium – enconunsch’ins buca igl usit da Sontgaclau. Ils affons retscheivan ozildi ils schenghetgs da Nadalnotg dil Babbo Natale, ina figura semeglionta al “Père Noël” en Frontscha, ni il “Weihnachtsmann” en Tiaratudestga. Duront il temps da Nadal entaup’ins adina puspei il “Babbo Natele” sin vias e sin plazzas, seigi quei a pei, sco velocipedist ni magari schizun sco rocker sin ina Harlay.

Babbo Natale I   Babbo Natale II   Babbo Natale IV   Roma Policlinico Umberto I harleysti vestiti da Babbo Natale portano doni ai piccoli pazienti di Pediatria

carbone-dolce

Aunc avon paucs decennis – e per part aunc oz – retscheivan ils affons ils schenghetgs da Nadal pér ils 6 da schaner. Denton portan buca ils treis sogns Retgs ils regals als affons, mobein ina veglia stria macorta e malstarschlida, la Befana.
Als affons ch’ein pulits ed obedeivels port’ella bials regals, als malobedeivels denton in sachet “carbone dolce”. Tgi che la Befana ei e danunder ch’ella vegn saveis leger cun clicar >cheu<.
Dil reminent anfleis sin quella pagina da tuttas sorts interessantas informaziuns sur dall’Italia.