Solo da pauca

Dapi biebein in onn fetsch jeu part dalla musica instrumentala dalla Garda papala (la banda della Guardia) e quei sco pauchist. A caschun da diversas fiastas, sco per exempel da Nadal, duront la saramentaziun dils novs gardists, natalezi dil papa e.a.v. dat la musica ina producziun musicala.

Duront la saramentaziun ils 6 da matg 2014 hai jeu dau ensemen cun ils tamburs in solo sin „mia“ pauca:

 

Dil reminent, sco quei ch’igl ei da veser en quei cuort video portan ils tamburs empau in’autra uniforma da gala ch’ils ulteriurs halumbardists. Enstagl dallas colurs mellen, blau e tgietschen secumpona lur uniforma ord las colurs mellen, blau e ner e sin la capellina portan els ina plema melna e nera enstagl d’ina cotschna.

Treis schumbers portan gl’uoppen dil papa regent, papa Francestg e treis portan quel dil papa emeritau,  papa Benedetg XVI. Dapli informaziuns davart ils schumbers dalla Garda svizra saveis Vus endriescher cun smaccar sin gl’emprem clip. Sche Vus elegis il secund clip saveis tedlar la himna naziunala dil stadi dil Vatican.

Schumbers per il papa  Vatikan-Flagge