Midada dil cumandant

Duront ina ceremonia festiva ei il cumandant, colonel Daniel Rudolf Anrig, seprensentaus ils 31 da schaner 2015 per la davosa gada en uniforma da gala e priu cumiau dalla garda ponitificala.
Per nus tuts ei quei stau in mument fetg commuentont cura ch’el ha surdau la bandiera dalla garda els mauns dil vice-cumandant e silsuenter dau a mintgin da nus persunalmein il maun, engraziond per la fideivladad ed il survetsch prestau.

Cumiau dalla garda  surdada dalla bandiera  Surdada commando  Surdada

Igl 1. da fevrer ha Daniel R. Anrig surdau il commando al vice-cumandant, Chritoph Graf, suenter che papa Franzestg ha giu nominau lez sco cumandant ad interim. Ils 7 da fevrer ha papa Franzestg alzau Chrisoph Graf el rang da colonel ed elegiu igl um da 53 onns e bab da dus affons sco 35avel cumandant dalla Garda svizra.

Daniel R. Anrig – che ha a sias uras giu studegiau giurisprudenza – tuorna en Svizzra tier la polizia. Naven digl 1. da fenadur 2015 surpren el il post sco schef dil stab tier la polizia alla plazza aviatica a Kloten.