La passiun da Carli Scherrer cun solists laics

La passiun da Carli Scherrer cun solists laics

Program_PassiunIl Chor mischedau da Sevgein ei semess uonn vid ina gronda sfida. Sur Pastgas han els cantau la Passiun da Jesus Cristus, l’ovra da Carli Scherrer e sur Gion Martin Pelican. In’ovra ch’ei buca sempla da cantar e che cuntegn era entginas parts per solists. Per la dirigenta dil chor, Flavia Walder, eis ei stau clar che cantaduras e cantadurs dil chor surprendien quels solos. Aschia eis ei stau d’udir Alice Cadalbert (sopran), Marcus Walder (tenor) ed Adrian Cadalbert (bass). Rahel Hohl ha sunau al piano/orgla. Il Chor mischedau ha presentau la passiun ensemen cun ils instrumentalists: Heidi Casutt-Cathomen, Norina Winzap, Clemens Christoffel e Hardy Pirovino. Rita Candinas ha prelegiu il text dallas differentas scenas biblicas.

L’ovra ei vegnida presentada cun fetg grond success ella baselgia catolica a Bülach, in concert da benefeci en favur dall’orgla nova en la baselgia parochiala a Sevgein, sco era da Venderdis sogn e da Pastgas en baselgia a Sevgein.

Per la curascha, la grondiusa prestaziun e l’excellenta producuziun mereta il Chor mischedau e tuttas participontas e participonts in grond laud ed in cordial engraziament.

Passiu-Chor II  Unbenannt  Passiun-Chor I  Chor_passiun