La bandiera dalla garda

La bandiera dalla Garda Svizra vegn partida cun ina gronda crusch alva en quater parts. Quella crusch alva regorda vid la la crusch alva sin funs tgietschen dalla bandiera svizra, pia vid la patria dils gardists. La bandiera ei tessida cun seida (Seidendamast) ed ha ina dimensiun da 2.2m x 2.2m.

Bandiera colonel Graf1) uoppen dil papa regent, acutalmein papa Francestg.

4) uoppen da papa Julian II della Rovere (1443–1513), fundatur dalla garda svizra ils 22 da schaner 1506.

2)+3) Las treis colurs: mellen, blau e tgietschen derivan digl uoppen dalla famiglia di Medici. Ellas regordan vid il Sacco di roma (sblundergiada da Ruma) ils 6 da matg 1527, cura ch’ils gardists han spindrau la veta a papa Clemens VII di Medici. Dils 189 Svizzers han sulettamein 42 gardists surviviu la mazzacrada dalla truppas digl impertur Carli V. Dil reminent porta l’uniforma da gala dils gardists aunc oz las medemas treis colurs.

5) El centrum dalla bandiera sepresenta igl uoppen dil cumandant dalla garda, actualmein Christoph Graf da Lucerna. Tradiziunalmein vegn quei uoppen tschentaus sin las colurs digl uoppen dil cantun d’origin dil cumandant, actualmein pia blau ed alv.

 
 

papa-bandieraA propos bandiera nova: Mintga gada ch’in niev papa vegn elegius e tier mintga midada dil cumandant vegn tessiu ina nova bandiera. Aschia ha papa Francestg benediu la bandiera nova ils 6 da matg 2013 a caschun dall’audienza dils gardists ensemen cun lur geniturs ella sala Clementina.