Cumandar la scumiada dalla guardia

En intervals regulars vegnin nus gardists examinai davart nossa savida en connex cun il menaschi dil Vatican. Quei pertucca la sevida generala, saver exact tgei lavur che vegn fatga da tgi ein tgei biro e la cumpetenza individuala en lungatg talian.

Tut tenor reussir dils examens ha il gardist la pusseivladad da s’avanzar en siu survetsch.

Jeu mez hai terminau miu davos examen la fin da zercladur ed aschia contonschiu il post da “capo posto”, la pli aulta cumpetenza ch’in halumbardist sa contonscher. Sco schef d’in post controlleschel jeu las entradas, dun sclariments a turists, camondel las sentinellas (guardias) e las scumiadas da quellas, sco quei che Vus saveis mirar en quei cuort film.