Bene merenti

En preschientscha dil cumandant e da cardinal Kurt Koch surdat il secretari general dil stadi dil Vatican a mi la medaglia "benemerenti"

En preschientscha dil cumandant e da cardinal Kurt Koch surdat il secretari general dil stadi dil Vatican a mi la medaglia “bene merenti”

DSCF2294Atgnamein fuss miu temps da survetsch – per quel ch’jeu fuvel s’obligaus –  ius a fin suenter 25 meins cun la fin da fevrer 2015. Duront quels biebein dus onns hai jeu denton fatg aschi bunas experientschas e viu tontas bialas ed interessantas caussas che jeu sundel sedecidius da prolunghir miu survetsch per silmeins in ulteriur onn. Duront miu temps da survetsch hai jeu viu in conclave, hai surviu sut dus papas, hai giu dus cumandants e treis differentas bandieras ed empriu d’enconuscher biars buns camerats. Ton vess jeu mai spitgau cu jeu sun sedecidius da serender a Ruma per entrar ella Garda svizra pontificala.

DSCF2289Sco renconuschientscha per miu survetsch e mia fideivladad enviers la garda hai jeu retschiert a caschun dil sacco da Ruma 2015 ord ils mauns dil secretari general dil stadi dil Vatican, cardinal Pietro Parolin, la medaglia „bene merenti“. Per mei munta quella medaglia ina gronda honur ed in zun custeivel segn da confidonza e cun luschezia portel jeu ella vid mia uniforma da gala.