Audienza da cumiau

Suenter treis onns e treis meins survetsch papal sun jeu sedecidius da turnar a casa. La davosa sera da miu survetsch sun jeu vegnius envidaus da papa Francestg persunalmein ad in’audienza privata. Schegie che jeu enconuschevel ussa il palast cun tut sias bellezia e custeivlas stanzas e salas ed havevel gia numerusas gadas fatg survetsch en preschientscha dil papa ei quei mument staus per mei fetg immpressiunonts e commuentonts. Astgar s’entupar cul papa el palast e menar cun el in discuors sut quater egls ei in privilegi che buca mintgin survegn.

Papa Francestg ha engraziau a mi persunalmein per miu survetsch prestau. Plinavon ha el en quei discuors da cumiau giavischau a mi tut il bien pigl avegnir. Dapli less jeu buca tradir, en scadin cass ei il discuors staus zun cordials.

cumiau_i

cumiau_ii          cumiua_iii

Duront quels 39 meins survetsch hai jeu fatg bia bialas experientschas ed empriu d’enconuscher buns amitgs. Sper las biaras impressiuns el Vatican hai jeu naturalmein era giu la pusseivladad d’emprender d’enconuscher empau pli da rudien il bellezia marcau da Ruma cun tut sia historia.

Jeu sun leds e fetg engrazieivels che jau hai giu la pusseivladad da far tut quellas experientschas e sun perschuadius che jeu sappi prender ina massa ord las lecziuns che la veta a purschiu a mi duront quei temps.